塞翁失馬

今日0係東方188俾我發覺仲有貨，仲要平過之前見果個價，結果梗係即入，嘻嘻~~~~~

P.S. 呢個post係我實驗用email direct send去blogger變成blog，R師兄就成為我實驗第一號！嘿嘿~~~~~

P.P. S. 多謝認字特警吳太指正

《銀河影像，難以想像》

有時我真係連自己都頂自己D性格唔順，有D 0野我明明係鍾意，但又會七上八落楂唔定主意；但有時我有會十分明白自己，於是連俾自己諗下都唔得，就即刻落主意行動。

好似最近出左《超人 - 強戰回歸》DVD，我就諗都唔諗就即係買左禮品版，點知返屋企前先發覺有另外一隻超人終極珍藏十三碟套裝，即刻左面呢隻。裡面包括晒

．超人電影 (特別版)
．超人續集 (特別版)
．超人第3集 (珍藏版)
．超人第4集 (珍藏版)
．超人 - 強戰回歸
．超人續集 (導演剪輯版)
．超人傳記
．超人終極製作特輯

仲有本超人漫畫，歷年咁多集超人DVD我都無收藏，其實呢個真係0岩晒我，但成六舊水真係唔捨得，兼且我又已經買左隻禮品版，卒之都係無買。點知今日行過同一間舖頭，佢已經標價$8XX，無野呀化？

另外仲有1 set周防正行boxset，內裡有《談談情．跳跳舞》、《五個相樸的少年》和《五個光頭的少年》，而且《談談情．跳跳舞》更係早兩月出的雙碟港版，單買已經要$14X，而家boxset $18X真係抵到嘔茄，但我最近已經買左《我要成名》、《狗咬狗》雙碟版、《周星馳-西遊記系列》數碼修復boxset、《回魂夜 》數碼修復版，所以呢排我都自覺好似買多0左，因此而十五十六，左諗右諗，到今日諗著再去諗下時，結果發現：碟去架空，唉~~~~~~~~~


最近朋友知道我喜歡《銀河影像，難以想像》這本書，特地買了送給我，真的十分多謝他。其實這本書在書展時我已十分想買，但奈何實在頂唔順裡頭人頭湧湧的狀況，到過後每次行書店見到，總是拿不定主意，結果朋友看見了這樣子的我，便掏荷包送了給我，免得再見我這模樣活受罪，得一這樣的知已，實在死而無憾，嘻嘻~~~


熟悉我的朋友都知，我是那種為了睇幕後花絮，而特定買DVD回來看的那一類人，對某些人來說我這類人很匪夷所思，睇完套戲咪算囉，幕後花絮還有甚麼好看？但，我偏偏喜愛鏡頭下另一個故事，尤其當那電影是我喜愛的電影。杜琪峰是我最欣賞的香港電影導演，他大部份的作品我也喜愛，所以這本《銀河影像，難以想像》說的雖然是銀河影像的電影，但內裡全是杜琪峰的作品，雖然也不是我的全部心水選擇，例如沒有了我最愛的《龍鳳鬥》及《我左眼見鬼》，多了我不太甚喜的《柔道龍虎榜》，但其他的也是我的所愛，尤其慶幸沒有《大事件》。



可能杜琪峰在外國影展時常獲獎的關係，所以看得出這本書的target market並不單是本地，而是包括埋外地讀者，因此這本書是中英對照：左面英文，右面中文，這亦成了我閱讀是另一個有趣地方：每當我看到外國人可能難以理解的事或terms時，我也會專登看回那一段的英文版，看他怎樣譯成英文，的確十分有趣！

當然，這本書給我的最大樂趣，還是在於如看DVD時的幕後花絮，你會清楚拍攝時的困難及樂趣，令他們難忘的地方，還有製作人的看法。如《大隻佬》般，這套戲我是覺得近年杜、韋二人最高成就作品，在戲院睇完時已非常喜愛，當一出DVD時我便立即買下，滿懷希冀的看special features，但換來的只是失望，短短的十分鐘製作特輯實在說不了甚麼內容，感覺似是坐在巴士在看Road Show一樣。


而在這本書內，便有身為美術指導的余家安，在專訪時大談拍《大隻佬》時的喜與樂，原來給他感受最深除了套戲本身，還有當時的環境 - 剛經歷了SARS蹂躪的香港及大陸：

還有《瘦身男女》及《大隻佬》構思的先後次序：


當然還有戲內橋段的由來：



這本書實在將我看《大隻佬》DVD時的遺憾，充充實實的填補過來，實在非常滿足。最難能可貴的是，由於早期香港的電影不太著重這些other features，一些好的電影如《非常突然》、《暗花》及《暗戰》等，雖然有出過DVD，但畫質實在一般，更令人遺憾的是完全沒有special features可言，這書剛好為這樣的空白期，填上色彩一般。

祈待其他的電影公司能如這書般，補回他們電影中的空白期。

P.S. 尋晚去0左百老匯電影中心睇《地海傳說》，套戲真係好一般，絕對及唔上佢老豆，睇0黎真係仍需努力。之後去左附近一間茶餐廳，遇到隻貓好過癮，纏著我唔俾我食0野：


想睇下佢點冤氣，睇呢度：