上星期腸胃炎卒之到搞咗成個星期先好返，啱啱趕得切去飲游哥娶新抱果餐。除咗去飲，最近都好多同事升職同interview， 今晚睇J2做旅行節目講南山塔，地下有幅俾情侶掛鎖嘅牆，但我完全無印像，問過Jacky佢話有寫blog，睇返自己blog真係無，可能當時我掛著睇射燈show。睇返自己其他blog，原來同三年前發生嘅事都差唔多（詳見：獨愁），我果陣一樣去到旺角返工半年，但心情就大不相同，完全無孤獨感，而且呢半年時間過得更快，可能無咗啲麻煩同事有關。而最近冷眼旁觀更多事情，感覺更好笑。
早兩日同公司就嚟interview嘅同事傾計，發覺一啲頗基本嘅嘢如setup ICP要留意啲乜佢都唔識，再喺其他whatsapp group傾，發覺升職咗三年高一級嘅人都唔識，仲話考呢啲低級試唔會問。但記得當年我喺東涌已經知，我自己interview就係俾人問過，我一直以為common sense嘅嘢而家居然係深奧嘅嘢，究竟我係咪已經out咗？
今晚喺電視睇到金城武嘅《分手的夜裡》MV真係好正，呢首歌我係鍾意編曲多過主唱，再見返當年楊采妮，真係無得彈！
今晚喺電視睇到金城武嘅《分手的夜裡》MV真係好正，呢首歌我係鍾意編曲多過主唱，再見返當年楊采妮，真係無得彈！
