無為而治

兩年幾前聖誕我買咗部當時最新嘅Galaxy Camera，可惜幾個月後借咗俾朋友，佢還返俾我後便下落不明，當年我仲因為要去北京搵咗好耐都搵唔到，結果要買過部Sony。

尋日下午放工返屋企，我阿妹突然隊部相機俾我，話部嘢喺梳化頂住佢，原來就係失踪已久嘅佢，點解會喺梳化條隙咁耐都無人知，真係耐人尋味，我只知呢個世界嘅法則係，當你唔緊，啲嘢就會自動蒲返出嚟，今次又一例證。

喜慶羊羊

如果講升職以來，最唔習慣就係派利是，到今時今日都係唔慣，尋晚年卅十晚我返通宵，班同事輪流入嚟同我拜年，我仲係覺得好尷尬，最慘係拜完後佢哋又俾返封我，真係尷尬再加上尷尬，唉！

點都好，祝各位羊年行大運、得意羊羊、神采飛羊、喜氣羊羊、羊羊順景！

成就

甚麼是成就？今日飲茶時玩手機，隔離枱茶客突然烏前問我呢個係乜game，點解有林保全把聲？夜晚睇星期日檔案訪問配音員，這已是近期看到聽到不知第幾個訪問。因為一個人的離去，不單引起別人的關注，還使業界受惠，這不是成就是甚麼？

可惜這成就實在來得太遲。