獨遊關西五天遊第一天

前文提要，今次去大阪原於三月發現一個奇怪嘅plan：由台北出發經香港來回大阪，包4程商務機票（台北-香港、香港-日本、日本-香港、香港-台北），所以三月去完台北，六月就再出發大阪，但世事往往豈能盡如人意，就喺台北回來後，到六月出發前，我喺工作上發生大變化，令呢趟旅程險些要放棄，幸好最後得老細幫忙先可以出發。

除咗有舊老細呢位貴人，我亦有另一位貴人贊助我，慳返唔使租蛋

同上次台灣唔同，今次仲可以特別通道去禁區，但查實都唔係快好多出發

前一日先啱啱完成晒上堂，搭十一點機所以夠精神好順利就搞晒所有嘢，腳印印去Lounge食嘢

坐低仲有大半個鐘頭食嘢，睇著下面啲人匆匆忙忙真係爽YY

食完見係時候，於是落去等上機，點知話班機要再遲半個鐘，好在佢話可以返轉頭再入返Lounge，於是又食過

終於時間到，可以上機啦

上機又係特別隊唔使排，正

上到飛機，個位仲闊落過上次台灣班機，好正！唯一唔好彩係跌咗部iPhone X喺條櫈罅，要個空少執返，附帶一提個空少真係EQ好高，佢幫我執返部iPhone後，跟著飛機預備起飛，隔離打扮到好似參加Ball嘅國語女堅持唔肯放佢嘅包包入行李間，個空少花好多心耐性同佢解釋航空條例規定，最後佢先就範。

終於到關西機場，已經喺五點幾，好在今次晨早喺網上買定周遊卡，一落機場即換，然後即刻上車非常順利

由於未試過再加上平，所以今次頭兩日我住喺京都，結果轉得車到四條大宮嘅酒店已經七點幾

雖然係平，但間酒店都幾high tech，要用門卡先按到lift

間房都唔錯，唔算細亦有少少心思

擺低啲嘢就落街醫肚，酒店隔離就係麵舖，諗著過兩晚食宵夜幫襯唔食，結果到走果日都無食。

結果去咗斜對面嘅なか卯

原本想食牛丼飯，結果俾呢個期間限定海膽飯吸引咗

仲有進擊的巨人crossover，不過到而家我都唔知張卡係乜

食完行返酒店覺得有啲凍，睇睇手機原來得20度

返到酒店幫手機差電，睇睇朋友醒嘅wifi蛋，今日只係用咗百零Mb，話晒五點幾先落地又難怪嘅

餘慶節目係睇世界盃開幕，咁大個仔第一次喺外地睇世界盃

食埋喺便利店買嘅啫喱就瞓，今日就係咁樣又過去啦