好耐無0黎blogspot寫blog，因為朋友們極力遊說返yahoo寫，同埋用慣yahoo覺得好用D。但近來yahoo系統更新後，個人感覺變得不倫不類，load得慢不特止，連RssFwd都偵察唔到更新，無得用email backup，但最搞笑系自己同一系統0既yahoo email都收唔到更新訂閱，吹脹！算啦，橫掂呢邊無我supervisor睇到寫得仲自由D，等我又寫下呢邊先。
我的朋友早幾日0係日本返0左0黎，估唔到半隻腳踏入阿太年紀0既佢，居然識買同全數買到我要果三隻日本版blu-ray，其中《獸猛猛奇兵》同《時凶感應》仲以超抵價$170同$310幫我入，而《奪面雙雄》雖然以正常價入，但佢0係日本四處搜索先搵到呢隻碟！好喇，見你咁幫得手，就下次請你去睇戲喇，不過你識得過0黎我呢邊睇blog先算。
原本想寫下早兩日睇0既尾場楊千嬅2007演唱會，但呢排返工放工返屋企真係好倦，而且因為老細0既好大喜功，我又要頂同事玩課外活動，要連返十三日工無休息！今日先係呢十三日中0既第四日，唉~~~都係唔寫喇，訓覺先X_X
4 則留言:
吹兄就即係吹兄,係足料既!
有幾足料呀？
咁耐無來看, 試下留言先.
6年後再嚟踩場，感覺如何？
發佈留言