鬼叫你窮咩頂硬上

放完大假，返咗工一日就打敗仗，每年都係新年前後就感冒，真係準時。其實一病我就即睇醫生，但食晒藥都係咁上下，唯有繼續頂， 卒之頂到尋日，一收工真係立即逃走，返到屋企立即瞓，瞓醒發覺公司留言，原來我頭暈眼花到email都睇漏晒做漏嘢，真係唔好意思。

 

今日襯放假就喺屋企唞下，但都要編排嚟緊工作，今晚同紅磡舊同事聚會打老邊，之後就要返MKK搵料for聽日返工前開會用，放工後又要去LCK偷師人哋change over，真係擔心聽日會累低，想起之前放假因為完成晒手頭上嘅餅而輕鬆，但一返工老細又立即質兩個大餅嚟，可能真係因為真係接受唔到現實咁而病。

上面首歌係肥劉send嚟串我，但我明明都唔窮，點解仲要頂硬上？人生真係無奈，行錯一步真係返唔到轉頭。