沉迷樂趣

過年前買咗PSV隻《槍彈辯駁》中文版，故事非常出色，第一章看似女主角的居然被殺，事後更知本來兇手是她，男主角更是她計劃的替死鬼，實在令人意想不到，所以呢排實在玩到停唔到手，而且中文睇得明更加好玩！

雖說這種沉迷樂趣自離開東涌後實在是久違了，但同以前比真係差好遠，以前我由出門口搭車，到開工收工搭車返歸都係不斷打，而家每日我最多係返到屋企先打到，開緊工真係抽唔到時間出嚟，這可能就是現實，不到你不接受。

P.S. 終於打到尾二一章，為咗Good End唯有硬食死貓被屈做兇手，但我專登之前save咗，待過版後睇下Bad end係點，結局居然係......一女共侍三夫？