終於出喇

槍彈辯駁2中文版今日終於出，原本係打算買第三次機戰Z時獄篇，但因為無行貨，要download埋首批送嘅高清remaster版就要日本server account，PSV版就要買多張卡，加埋仲貴過PS3版，但今時今日嘅我又真係無乜可能長期對著電視打機，所以結果都係買槍彈辯駁2中文版，爆咗到時先再算。

最近多咗新升junior supervisor，因為公司唔夠人乜人都升，本身佢哋資質已經麻麻，仲唔接受別人指出改錯，high完老細又要我執手尾，真係懷念當年自己做好自己嘢嘅時代，只需對自己負責就得，真係唔明點解佢哋唔對自己負責，反而係我要幫佢哋負責。

非常口

最近覺得自己份工越來越似行古惑，每每以為到期交功課，老細總有新功課交落嚟，於是又有新的日期目標去追趕，真係好似古惑仔咁今日唔知聽日事。

仲有就係小弟習慣吹水唔抹咀，成日都同啲同事山草藥噏得就噏，但最近同位同事講笑話唔慣早上見到佢返工，佢居然同人話我詐型於是唔同人調更；另一單就係升走咗另一地方嘅舊同事時常問我哋借嘢，我只在電話旁說笑話佢只攞嘢無乜貢獻，佢居然第二日專登回來請食餅，看來我真的要開始小心留意自己言語的威力......

今日放假先得閒睇返上星期《我是歌手 II》，如果GEM開演唱會唔唱自己歌，我一定買飛捧場！