終於出喇

槍彈辯駁2中文版今日終於出，原本係打算買第三次機戰Z時獄篇，但因為無行貨，要download埋首批送嘅高清remaster版就要日本server account，PSV版就要買多張卡，加埋仲貴過PS3版，但今時今日嘅我又真係無乜可能長期對著電視打機，所以結果都係買槍彈辯駁2中文版，爆咗到時先再算。

最近多咗新升junior supervisor，因為公司唔夠人乜人都升，本身佢哋資質已經麻麻，仲唔接受別人指出改錯，high完老細又要我執手尾，真係懷念當年自己做好自己嘢嘅時代，只需對自己負責就得，真係唔明點解佢哋唔對自己負責，反而係我要幫佢哋負責。