神來之筆

 

《槍彈辯駁2》真係唔到你唔服，玩到第四回玩家角色居然轉到去男主角最大敵人角度去調查兇案，由佢眼中調查同一件已調查的物件但卻有大不相同形容實在有趣。另一有趣當然係睇佢亦正亦邪嘅態度，一時想幫兇手一時又保護同伴，真搞嘢！

忙中作樂

 之前放咗九日假，果然一返工就煙消雲散，忙到買咗三星期嘅《槍彈辯駁2》中文版都未玩，嚟緊仲要同班大佬上堂又要賣外賣應該會仲忙啲，所以決定呢排返N得閒啲即刻玩。

 

 

 

 

 

 

果然一玩果種佩服感又油然而生，真係不愧係槍彈辯駁續作，第一回男主角最大敵人已經出現，但佢理念居然同第一集男主角理念一樣，係絕對相信希望能戰勝絕望，但行為卻是各走極端，居然報下殺局來引發自相殘殺，甚至自己被殺亦在所不惜，只為能看兇手及查案雙方追逐絕對的希望！印象與《Watchmen 保衛奇俠》的奸角為追求和平成魔近似，但其唯恐天下不亂之心真係連Joker亦望塵莫及，相信Joker亦不會為達成目的而賠上自己性命吧？

今晚啱啱玩完第二回，果然又係超展開，兇案背後原來係一個愛情故事，又係唔到最後估佢唔到嘅一個故事，聽聞呢隻亦因為大受歡迎已經改篇成動畫，睇嚟爆咗機之後都要搵嚟睇下先得，問題係幾時先爆到機，仲有阿皮掃都未做.....

.

找自己

今晚電視又重播《大隻佬》，每次睇到劉德華對劉德華都係咁精彩，正所謂一念天堂一念地獄，了因頓然領悟如是因如是果，業只會只不過是去了不同人的身上無了期延續下去，唯有放下才可了斷。

看罷心想是每個人也可以直接面對自己的天堂地獄就好了，如果我可以見到另一個自己，又會如何選擇？想到這裡突然有種久違了的感覺，我好像很久沒有這麼邊看電影邊亂想過，放了七天假真的大不同，我總算連自己也找到了，可惜下星期又要回到無間工作，我現在有點明白阿神為何當年有點欣賞我，因為這種亂思亂想在日常工作的確會磨蝕掉，的確令人欣羨，像我現在就非常羨慕當年的自己，唉。