忙中作樂

 之前放咗九日假，果然一返工就煙消雲散，忙到買咗三星期嘅《槍彈辯駁2》中文版都未玩，嚟緊仲要同班大佬上堂又要賣外賣應該會仲忙啲，所以決定呢排返N得閒啲即刻玩。

 

 

 

 

 

 

果然一玩果種佩服感又油然而生，真係不愧係槍彈辯駁續作，第一回男主角最大敵人已經出現，但佢理念居然同第一集男主角理念一樣，係絕對相信希望能戰勝絕望，但行為卻是各走極端，居然報下殺局來引發自相殘殺，甚至自己被殺亦在所不惜，只為能看兇手及查案雙方追逐絕對的希望！印象與《Watchmen 保衛奇俠》的奸角為追求和平成魔近似，但其唯恐天下不亂之心真係連Joker亦望塵莫及，相信Joker亦不會為達成目的而賠上自己性命吧？

今晚啱啱玩完第二回，果然又係超展開，兇案背後原來係一個愛情故事，又係唔到最後估佢唔到嘅一個故事，聽聞呢隻亦因為大受歡迎已經改篇成動畫，睇嚟爆咗機之後都要搵嚟睇下先得，問題係幾時先爆到機，仲有阿皮掃都未做.....

.