突如其來的暑期工

開心嘅時間過得特別快果然無錯，呢個六月真係話咁快就過，首先頭三個星期又落咗去大埔，雖然見唔到老細已經輕鬆好多，但間唔中都有電話到走唔甩，但呢個星期真係正到無朋友，完全脫離公司去咗另一間公司，輕輕鬆鬆去返工。

真係估唔到幾廿年後都仲有機會打暑期工，其實應該話比打暑期工仲輕鬆，因為其實都唔會要我哋真係落手落腳去做，反而佢要安排人手去講解我哋聽，而且仲成日請食飯或下午茶，真係唔係幾好意思。

另一樣感受頗深就係以為自己份工都頗大壓力，但見到人哋日日爆鑊咁樣真係覺得小巫見大巫，而且人哋部門分工真係好細緻，原來自己係個大打雜，當然呢樣有好有唔好，但亦令我大開眼界。

但假期總會結束，我都係要回到現實，聽日就要返回崗位，唉。

久違了的新玩具

不經不覺又六月，轉換地方而經十個月，今個月我又外賣到大埔同其他公司，可以抖一抖輕鬆返一個月真係如獲恩賜。另外一個驚喜係，故唔到自己未夠一年都有肥豬肉分，我老細都算係咁。

既然有時間有錢，自不然就痕痕哋，但今年啲電話真係千篇一律揀唔落手，所以...結果...我買咗另一啲嘢......

雖然我已有iPad，但用嚟覆email同做功課始終都唔太方便，最近見到大陸製嘅Tablet內置正版Win8.1同Office都係二千五度，真係仲平過買部電話，結果我就一鎚定音喇。

前後都有鏡頭，背面都幾靚仔，點睇都唔似大陸機

Win8.1一樣support鉈鑼儀，自動會將畫面垂直，睇網頁啱啱好

隨機仲有個套送，揭開其實內置埋keyboard





後面可以摺疊起來撐起部Tablet，連接埋keyboard真係同部notebook無分別

部機仲可以用HDMI駁Mon同電視，但因為Tablet個10.1 吋IPS 屏幕只係得1280 x 800 解像度，所以HDMI駁電視後會有四條黑邊

只要set返只用電視display就可以set返1080p，仲可以去MyTV網站full screen睇Running Man

呢篇blog就係邊睇電視邊打，相當好用，當啱啱打完時收到個whatsapp，應該係舊同事開工時影，隨圖附帶一句諷刺：『Merry Christmas』，看完心裡著實不舒服，他可能是失心瘋或是無衫可著才會這樣，實在何趣之有？連隨想起下午那班東北發展示威者說自己很克制，只是政府所迫云云、為什麼香港人現在個個都好像只懂自我，越來越少人會試試由對方立場想想？

吹漲

睇咗成兩個禮拜，今日先寄到嚟話抽中咗，頂！