香港電視

上星期其中一件大事就係香港電視開台，多一個免費電視選擇當然好，而且好在我用開嘅Magic TV有得upgrade firmware，搞掂完就睇到，而且最難得係仲錄到，應該係目前唯一錄到嘅方法。

果然不出所料，一日之後Magic TV突然又有更新，我覺得事有蹻蹺當然無update，但朋友不慎有詐升咗9.01，結果閹咗HKTV錄影功能，變成只可睇不可錄。

經過呢幾日觀察，發覺Magic TV相當穩定，尤其第一晚開台，好多人都話睇唔到好窒，但我放完工返嚟睇返預定錄影，結果無問題好順，雖然720p，但喺部40吋電視睇都無問題，唔使另外買嘢就可以喺大電視睇到，我當然收貨。

我自己就無乜興趣追劇，呢牌睇得HKTV最多係魔B爸B，原來配音組都係無線過嚟。