獨遊關西五天遊 ~ 第二天下集

落返山去返車站，見到香港好少有嘅平交道

搭巴士去銀閣寺，落車發現原來可以經哲學之道行去上次同阿健睇紅葉嘅永觀堂

一落車就落毛毛雨，食個lunch避避雨先

食完出嚟都仲係落緊毛毛雨，唯有擔遮遊銀閣寺

好在銀閣寺唔似金閣寺咁金碧輝煌，呢啲天氣下另有一番味道

兜咗半個圈上山，可以一覽銀閣寺庭園

跟著行返落嚟圍著睇銀閣寺一圈

走嘅時候依然落著雨，人少啲唔係壞事吖

再搭巴士落二條城，呢次無摸門釘

四點前嚟到，時間啱啱好

一入去就參觀別院先，因為會關門先

要除鞋參觀，有啲唔方便

正苑只可以喺外圍行，無得入內參觀

行到上城牆，望返落去景觀唔錯

參觀完搭地鐵返京都，途經Eddie肚瀉廁所到此一遊

返到京都見到最新嘅透明可樂¥100有找，飲落似Zero，不過有檸檬味

返到酒店唞下，見到呢單新聞，居然埋站先發現有人跳軌，喺香港實俾人插死

夜啲落街食飯，今晚決定鋸扒

估唔到呢間嘢居然有泡菜送飯，乜唔係日本嘢嚟咩

我阿妹推介焦糖布甸蛋糕，行咗幾間Fam Mart先買到，我覺得味道普通

去咗咁多地方又wifi call又FB又打機先用得百幾，睇嚟要再放縱啲用先得

臨瞓前繼續睇世界杯