良心商人

今日突然收到掛號信，原來早前買嘅韓版blu ray《凶心人 Memento》真係寄多隻碟嚟，修復返繁體字幕嘅問題，不但言出必行，而且喺我無要求下主動更正錯誤，實在值得一讚！

終於獲得全球唯一有繁中版本嘅《凶心人 Memento》blu ray，正！

遲來的禮物

無可否認，呢期我好似有少少抽獎運，繼早前九大鬼有獎中，早兩日食旺角東餐飯又有得中，最離奇睇咗好多年嘅BLU-RAY討論區居然都有獎中，呢個真係咁耐以嚟第一次。

但其實呢個獎已經係月頭中，結果等到兩個幾星期後嘅今日先收到，好在又唔係啲咩貴重物品，如果唔係已經去郵局報失以為寄失咗

當然我唔緊另一個原因就係呢套係港產片，仲要唔係咩大片，我唯一興趣係因為當年睇《人間喜劇》已經覺得王祖藍同杜汶澤有啲化學作用，想睇下多年之後嘅今日佢哋仲有無，而且仲有詹瑞文，但喺王晶手上就........希望有多啲女睇算罷喇.......

我的第一隻智能手錶

早幾日上網，見Pebble喺感恩節只係賣$79美金，諗起我上次捐ALS都一百蚊美金，實在好抵，於是就立刻扑搥。點知三日唔夠，今日瞓醒落街食嘢一開門就見到個郵差，就已經收到隻錶，真係快到無輪。

其實舊年呢個時候我已經想買智能手錶，但可惜Sony周圍都無貨，而當時Pebble仲賣緊過千，所以都係無出手。但今年Pebble已經跌到落六百幾，仲要免郵費，而且已經我用緊iPhone都唔使諗Google Watch，所以今次先出手。

開咗盒第一件事梗係同部iPhone syn先喇，一syn完就話有新firmware 2.8要裝，過程完全唔使插線只靠iPhone syn過去

Update完入app裡面揀返款有趣表面，搞掂用得!!

雖然Pebble唔support中文同只得黑白，但只得佢support iPhone同電量可以用到五日，再加埋咁嘅價錢連G Shock都買唔到，真係抵玩。