元旦大餐

幾好味，係咸啲

風暴 Firestorm

難得放長假，當然搵返套戲睇，但今年聖誕檔期真係唔多掂，唔好話搵套大片，連令我有意欲入場想睇嘅戲都無，回想當年放長假，我真係可以入場入足五日，除了當年我大把老友陪，都要真係有五套吸引我嘅戲先（我的電影黃金週總結 ），而家除咗我之外，電影業都真係今非昔比。結果喺無乜選擇下，尋晚我選咗劉華嘅《風暴》睇。

 呢套《風暴》係講警隊精英呂明哲 (劉德華 飾) 為逮捕犯罪團夥頭目曹楠 (胡軍 飾) 處心積慮且不擇手段，幾欲到手之際竟被兒時好友、慣犯陶成邦 (林家棟 飾) 攪局。陶為贏回對其品行徹底失望的女友燕冰 (姚晨 飾)，求呂為其過往捏造臥底身份，並助其破案，最後甚至不惜出賣同夥。風暴過後，二人卻驚覺更陷渾沌……。選呢套戲入場原因當然唔係因為故事啦，而係聽朋友講無乜冷場由頭打到尾，睇後亦是如此，明顯本片犯了近年港產片『動作凌駕劇情』嘅通病，但事實今時今日港產片看來亦是只剩下動作片一途，奈何。

話雖如此，其實呢套戲劇情亦給我驚喜，尤其係明知劉德華係老板，佢一定賣力及角色實係如超人般不死係預咗，但去到後期佢角色居然如《殺破狼》般為令胡軍入罪用了非常手段，繼而再被梁烈唯角色令他越陷越深，這一轉變實在精彩。另一方面林家棟為了挽回女友，而為劉華做臥底，結果劉華不是為破案卻是為滅口，沒有人知道林家棟是臥底，這條線頗有《無間道》味道，可惜導演沒有深化劇情只著墨於鎗戰特技，實在是捉到鹿唔識脫角！

至於宣傳一直強調的特技真係算把喇，看到地陷啲車跌落中環站月台對開路軌上，列車明明正駛入月台，理應剷出地面或剷進月台，結果畫面上列車仿如消失了，連最後的俯視鏡亦望不到，我真的笑了出來，好在一早跟同行朋友說了港產片唔好睇3D，如果唔係我應該笑唔出。故事結尾當然唔使講，無理由放棄大陸市場，結局當然如此，但這亦是令我諗起《無間道》的原因，當年香港跟大陸版是兩個不同的結局，既然故事場景發生在香港，為什麼結局不分為兩個版本，令大家看得舒舒服服呢？

 

這戲睇完後給我感覺如《毒戰》一樣，無論開始，發展幾港產片好，結尾還是會變成大陸片，看來現在港產片除了三級片外，只有彭浩翔的作品才是真真正正港產片（如果無太多粗口嘅話）。

Mikiki《聖闘士星矢•聖域神話館》

 

 昨天食完游哥的榮休飯後，見橫掂放假無嘢做，就喺九龍灣搭巴士落咗去新蒲崗Mikiki mall，為的就係《聖闘士星矢•聖域神話館》展覽，事關展期由2013.11.18 - 2014.1.5，見下星期就完於是落去睇下。

 一去到就見到十二星宮場面同電鍍的星矢：

旁邊係未變雅典娜聖衣前嘅雕像：

 

但奇怪隔離有個一模一樣無電鍍的星矢：

館外展示嘅係各聖衣神話，先係劣評如潮既新一代Omega男主角光牙同另一未出場角色：

跟著係十二星宮同聖衣皇級：

EX系列十二黃金聖鬥士：

 

 

點解少咗個？因為穆先生頂唔順瞓低咗：

新生聖衣EX星矢五子中，冰河更加唔知去咗邊：

幸好神聖衣10週年聖衣，冰河回來了：

進入館內，收藏的是經典的聖衣大系，一入去就見到罕有的老翻人馬座及一輝手下暗黑五人眾：

聖衣大系中的新生聖衣、海鬥士同電影版水晶聖鬥士，記得復刻時我都有買：

聖衣大系中最經典的初期TV版聖衣同十二星宮&教皇及TV版獨有嘅機械聖鬥士：

近期出嘅Q版，比較特別係香港買版權出嘅：

當年聖衣大系的多色模：

相信無乜人會反對，亦正亦邪嘅撒卡係最有吸引力嘅角色，佢嘅product多到可以自成一角一個corner：

仲有其他記念product：

睇完神話館後面，有個1:1無頭雙子座，之前1:1人馬座唔見咗：

展館後面還有各角色的動畫照：

睇咗大半粒鐘就睇完，就行返條新天橋過舊機場搭巴士返歸了。

游哥榮休

上兩星期游哥在家裡搞了久違了的燒烤，可惜我調唔到更去唔到，所以昨天游哥回九龍灣交嘢，順道由蘇sir帶隊上23樓，為游哥作餞別。

不同於R師兄，我是第一次上廿三樓食飯，所以樣樣顯得新奇，雖然都幾好味，可惜我是剛起身無耐，很快便飽了。

 

在進出公司時見游哥不斷跟人打招呼，實在人緣旺得很，回想我剛入行時游哥就是那時剛回流返公司，眨眼間便十數年了，不知到我退休時會否像游哥般相識滿天下？