信自己

難得放孖day，諗著呢兩日好好hea下，結果都係做公司嘢同公司人whatsapp渡過。

呢期又係interview旺季，做完補習老師就做心理醫生，開導下啲junor supervisor，其實真係唔明，而家機會明明比起我哋當年多咁多，唔得咪下次囉，真係唔明點解唔諗下點改善自己，反而去懷疑別人能力？就算升咗嘅都要whatsapp比較話最近升職嘅多2%，點解要同別人比較？比完又唔會改變結果，對方又唔會分啲俾你，晒氣。

究竟係而家啲人太有自信，從來唔懷疑自己？定係我太冷漠，唔太關心人哋係點去比較？我淨係知自己越來越老土，心態同而家啲後生距離越來越遠.....

人自詡為萬物之靈，事實卻同貓狗無乜分別，都係以自我中心看別人。