搞搞震

眨下眼放埋今日就放完七日假，早排返海洋公園實在太奔波，所以寧願喺屋企hea吓。不過其實都唔可以話無嘢做嘅，啱啱呢個星期世界盃決賽週，於是就可以全部都睇晒，包括尋晚決賽。

有時間就會有心機搞搞震，呢個星期先醒起有兩套漫畫成年幾兩期無睇過，另外等開波期間先醒起部3DS買咗差唔多一年張卡都無update過，於是就攞出嚟搞下。點知唔搞尤自可，搞完居然玩唔到，好在睇完manual研究過之後，發現原來loading方法、format完全唔同晒，仲可以一次用盡張卡，勁！

上次同Jacky講開童年時期Game Gear嘅GG忍，原來3DS都有續集，試下玩先！