走過烽火大地

今日下晝兩點幾起身瞓醒，食埋嘢me me麼麼到五點幾先睇到手機有個miss call，聽番留言先知原來今日隻Edge of Tomorrow到咗，因為香港唱片九龍塘分店已經執咗，所以今次我係喺金鐘分店訂，訂嘅時候仲未發生佔中，所以今日聽完留言之後都有D擔心，但錢已經俾咗冇理由唔去攞返隻碟，於是就踏上旅程。

去到先發現金鐘原來原來路面人唔太多，於是好順利攞完隻碟之後就行返港鐵站，落到去先明白科幻小說裏邊成日話未來的人係會搬晒落去地底住原來係真嘅，港鐵站裏面人頭湧湧到處都係人，用咗成五分鐘先落到月台，當然上車又係另一番鬥爭。

返到旺角之後彌敦道當然係繼續封咗，但反而方便我可以直接返屋企，但搭車時睇手機知道的變種特攻:未來同盟戰都出咗不特止，原來屋企對面有大眾書局，於是順道去買埋先返屋企，滿載而歸。

霸權

今早收工在回家路上，看到彌敦道依然被封，聯合廣場前的書報攤沒有開，但阿姐坐在鎖了的書報攤前分著一小堆報紙，看來今早她只有這小堆報紙能賣，她一邊分報紙一邊喃喃地與她身旁的阿叔說著：「香港無啦⋯」

所有的事情都需要代價，包括理想，但如果那些代價不單是你自己個人付出，甚至是關乎別人的生計與人生，這可不只是自私那麼簡單一回事。

當你在振臂疾呼爭取自己的權利，有否想過你正在奪取別人的人生？

夢裡夢外

一覺醒來，彌敦道還是封鎖，落到街突然感覺置身於28 days later的倫敦，或是在I am Legend的紐約。

看到奇怪的景象，年輕人與維園阿叔投契地說著昨夜警察的暴行，代溝一詞已飛到九霄之外。

慶幸還看到人性美麗的一面，希望我不是還在夢中。

聖戰？

放工早上返到旺角，彌敦道還是在封，看到一片這樣的景象，不期然想起中東，所謂解放人民的聖戰，結果死傷受苦最多的是誰？

看了整天傳媒報導，還是親眼見到的嬸嬸，默默辛勤的妳最值得我尊敬。

我的iPhone 6 Plus終於入手！

等咗成個星期，早幾日士嘜通終於有機俾我，雖然等到頸都長，但上網見到其實我都算快，而且日日i reserve又搶唔到，所以一星期有機攞算係咁。

網上有好多人都話iPhone 6 plus只係追到兩年前note 2嘅規格，如果以5.5吋就應該係嘅，但以指紋辦識同64 bit cpu嚟睇，iPhone仲係行先過android。

其實同樣5.5吋mon，因為iPhone 6 plus係full HD，所以睇嘅內容多note 2好多：

但相對於同樣full HD嘅Sony Ultra，畫面顯示就唔夠多：

同上一代iPhone 5一樣，一開始無論保護套同保護貼都係無乜選擇，而且明顯無乜apps support而家full HD解像度，暫時得我玩開嘅Marvels game support到，同我喺Ultra玩差唔多：

大部份嘅apps暫時同呢個六合彩apps一樣都唔support full HD，搞到啲字好大隻，同note 2一樣：

而仲有啲apps只support iPhone 4，上下都有黑邊，同最初出iPhone 5時一樣：

由iPhone 第一代到而家第六代，我都係只買新生代唔買改少少嘅S，所以對我嚟講都係新功能慢動作同縮時錄影 ，幾好玩：

慢動作：

縮時錄影 ：

總括嚟講，有好多人覺得iPhone 6 Plus太大，但對用開大mon機嘅我嚟講，就係size啱啱好，等咗咁多年apple終於肯出大mon機，而呢篇blog我就係用iPhone打嘅，終於唔會因為mon細按錯字，嘻嘻~~~

中秋快樂！

正所謂一年容易又中秋真係有啲道理，不經不覺又一年要考電腦試，但點諗都記唔起舊年點過中秋，只係知暫時呢年通宵都無我份，其實可以正常正日做節已經值得感恩，再加上啲孔明燈陣，真係優優閒閒喺屋企好過。

最近睇返Hunter X Hunter，呢套由讀書年代睇嘅漫畫，由於作者成日脫期，自從離開東涌已經無睇，六年後今日睇返，終於睇到蟻篇結局，同旅團篇一樣草草收場，但同時又估佢唔到居然係羅密歐與茱麗葉式的愛情故事，冨樫義博你好嘢！

最近故事已經講到小岡與仁已父子重逢，但以冨樫義博往績，我都係六年後再睇穩陣啲。

再正正經經講返句：中秋快樂！