正所謂一年容易又中秋真係有啲道理，不經不覺又一年要考電腦試，但點諗都記唔起舊年點過中秋，只係知暫時呢年通宵都無我份，其實可以正常正日做節已經值得感恩，再加上啲孔明燈陣，真係優優閒閒喺屋企好過。
最近睇返Hunter X Hunter，呢套由讀書年代睇嘅漫畫，由於作者成日脫期，自從離開東涌已經無睇，六年後今日睇返，終於睇到蟻篇結局，同旅團篇一樣草草收場，但同時又估佢唔到居然係羅密歐與茱麗葉式的愛情故事，冨樫義博你好嘢！
最近故事已經講到小岡與仁已父子重逢，但以冨樫義博往績，我都係六年後再睇穩陣啲。
再正正經經講返句：中秋快樂！
4 則留言:
中秋快樂!! 好在我無睇呢套.
其實佢就係美少女戰士作者老公，佢講故事能力比漫畫叻，可惜條友可能實在不愁三餐，成日掛著打機睇棒球，脫期脫到九彩
如果想睇下故事點出人意表又唔想受佢脫期之苦，可以睇下佢已經完成嘅短篇舊作level E，故事完全不依常規，估你唔到
崔兄，中秋快樂！
呢套嘢我都追唔掂，睇到蟻后已停！
由幽遊開始都知佢天馬行空！
Ken，中秋快樂！
係呀，冨樫啲嘢千祈唔好追，得閒睇下就算喇。
發佈留言