無情情台北三天遊 ~ 第三天上集

今日係最後一日，諗住留喺台北市中心四圍行，可以瞓到九點先上去食早餐，今日居然有唔同轉咗炒飯

食完早餐之後就返房執喼，然後check out將行李寄存喺酒店之後，再出發去第一個最近目的地中正紀念堂



背面牌坊都好雄偉



今日天氣唔算好亦唔算差



入邊當然都有孫中山先生銅像



行返出邊見到有人示威，今日係閒日都咁多人示威，唔通係有得pay



之後搭捷運去國父記念館，途經見到呢個廣告版，真係多樣設施就多樣麻煩



去到國父紀念館，後邊仲見到101大樓



國父紀念館裏面亦都有孫中山先生銅像，左右兩邊一樣有守衛守住



原來頭先我入去嘅係後門呢個先係正門



出花公園仲有好多孫中山先生嘅銅像





跟住行去附近嘅松山文創園區扮吓偽文青



今次嘅展覽唔多啱睇所以冇入去



原本想去誠品生活，但係突然覺得肚餓，於是都係去返附近嘅百貨公司搵嘢食好過



果然附近有一間新光三越，買到手信之餘仲可以醫肚啱晒



食完之後時間有啲唔上唔落，於是又問吓原住民阿健嘅意見，佢提議我去眷村文物館睇吓，途中經過101大樓



行到去眷村文物館門口，居然裝修進行中，今次真係摸門釘