今日冇乜嘢搞等Jacky晏晝來，所以專登瞓晏啲，但終於都係瞓到九點零鐘就醒，於是就落街食早餐。等Lift嘅時候見到後面街嘅函館朝市，於是就行過去睇，行咗個圈見到個定食1000円好抵，以為叫得朝市一定好早添，估唔到十點幾都仲有得叫。
起身時就收到Jacky嘅WhatsApp，於是食完野之後就照order去函館站買電車一日券。買完冇嘢做周圍行，閒日嘅函館真係冇咩睇，行到去見到間麥當勞居然可以乜都無，只係剩係得地下一層，犀利。
實在真係冇嘢行結果頂唔順都係返酒店睇電視，到咁上下Jacky終於到咗，喺lobby join埋佢哋之後跟住就一齊出發去搭電車
第一站去函館著名的幸運小丑餐廳食快餐，Jacky話漢堡包好出名，食過真係唔錯
佢推介話呢罐獨有嘅忌廉好飲，但倒出嚟係啡色，而且味道似波子汽水多過似忌廉。
食飽之後出發去參觀五稜郭塔
一上到去就見土方歲三成尊佛咁坐喺度，其實我都唔係好知咩係新選組，只係睇J2銀魂知呢個係日本武士組織
另外仲有五稜郭模型，實在佩服當時嘅工藝技術
窗外實境更令人讚嘆
還有些模型詳細描述當時戰況如何，我當然唔會記得，但非常欣賞模型場境非常細緻
看完便落去五稜郭行下公園，一落去又見另一個土方歲三銅像
今天天氣非常好
回到五稜郭站搭電車去十字街站，落車見到更出名嘅阪本龍馬像
來到金森洋物館，以前的倉庫改建而成，現在裏面是專賣名牌高檔嘢商店
其實Jacky想逛西波止場超市，我自己就無乜嘢買，但逛逛打發時間都唔錯
1 則留言:
函館係幾舒服
發佈留言